محمود فهمى النقراشى

 محمود فهمي النقراشي باشا (26 ابريل 1888 - 28 ديسمبر 1948) هو رئيس وزرا مصري ، ومن اللى شاركوا فى ثورة 1919 . مسك الوزارا مرتين . اتقتل فى 28 ديسمبر 1948.

اتولد محمود فهمي النقراشي فى اسكندرية , اشتغل كسكرتير عام لوزارة المعارف المصرية، و وكيل لمحافظة القاهرة، ثم انضم لحزب الوفد. كان من اللى اتحكم عليه بالاعدام من الانجليز عشان كان من قواد ثورة 1919 و اعتقلوه الانجليزة مرة سنة 1924 . بقى وزير المواصلات فى سنة 1930 . اختلاف مع قيادات الوفد و سابه واسس الكتلة السعدية(نسبة لسعد زغلول) هو و احمد ماهر(باشا) و شوية اعضاء قدام من الوفد.

اعماله

طالب فى جلسة بمجلس الامن الدولي فى 5 أغسطس 1947 بريطانيا بالجلاء عن مصر منغير اى شرط
مصر انضمت فى الأمم المتحدة رسمى فى عهده.
انشاء كلية الضباط البحرية باسكندرية.
كهربة خزان اسوان.
عمل البنك الصناعى المصرى.
تأميم شركة النور للكهرباء بالقاهرة.
تأسيس قناطر إدفينا.



   
ألبوم الصور