الفريد فرج
تولد ألفريد فرج فى محافظة الشرقيه لكن نشئته كانت فى اسكندريه اللى عاش فيها لغاية ما اتخرج من جامعتها. من صغره غوى المسرح و كان بيشارك فى فرق التمثيل فى المدرسه. دخل كلية الاداب فى جامعة اسكندريه قسم لغه انجليزى و اتخرج سنة 1949 و اشتغل مدرس انجليزى لمدة ست سنين و اشتغل صحفى وناقد أدبى فى مجلة روزاليوسف و مجلة التحرير وجورنال الجمهوريه لغاية ما اتفرغ للمسرح ما بين 1964 و 1965 و هى الفتره اللى كتب فيها مسرحيات اتناولت التغييرات الاجتماعيه اللى حصلت فى مصر ثورة 23 يوليه 1952 ، و اشتغل مستشار لهيئة المسرح والموسيقا والفنون الشعبيه. اشتغل مستشار لإدارة الثقافه فى وهران فى الجزاير من سنة 1973 لسنة 1979 من ضمن جهود مصر لتطوير المنطقه المحيطة بها والنهوض بيها ، و اشتغل مستشار برامج الفرق المسرحيه التابعه للثقافه الجماهيريه و مستشار للهيئه العامه للمسرح ، و مدير للمسرح الكوميدى ،و اشتغل كمان فى لندن كمحرر ثقافى لجرانيل عربيه.
|
|